NÓS-UP convoca hoje concentraçom e acto político em Vigo para reivindicar Galiza Combatente

6 de Outubro de 2007

Hoje, 6 de Outubro decorre em Vigo, por sétimo ano consecutivo, o Dia da Galiza Combatente, data instituída por iniciativa de NÓS-Unidade Popular para reivindicar a luita e entrega de tantos galegos e galegas ao longo da história, no caminho da plena emancipaçom nacional e da causa do socialismo.

Desta vez, a concentraçom terá lugar ao pé do monumento a Simón Bolívar, no centro de Vigo, às 12.30 horas, e será dedicado ao internacionalismo galego, reivindicando a memória de tantos e tantas compatriotas que tenhem dado o melhor na luita pola libertaçom de outros povos do mundo. Umha homenagem que vai ao encontro dos 40 anos da morte do grande símbolo do internacionalismo proletário e anti-imperialista: Ernesto Che Guevara.

No acto de Vigo vam intervir Cristina Corral, em representaçom da organizaçom juvenil da esquerda independentista, BRIGA; Moncho Leal, da Associaçom de Amizade Galego-Cubana Francisco Vilhamil; e Maurício Castro, da Direcçom Nacional de NÓS-Unidade Popular. Dados os acontecimentos dos últimos dias em Euskal Herria e nos Países Cataláns, é previsível que nom faltem referências solidárias à luita desses dos povos irmaos.

Após o acto político, haverá um jantar de confraternidade no Centro Social Baiuca Vermelha, de Ponte Areas, incluindo música ao vivo. NÓS-UP oferece mais informaçons sobre estes actos patrióticos e internacionalistas no seu web nacional.

 

Voltar à página principal