Lançam espaço audiovisual sobre as problemáticas sociais da Galiza

3 de Junho de 2008

O espaço galego e de esquerda na net ganha mais um local, desta vez com vocaçom de espaço de encontro para a difusom de iniciativas sociais de todo o tipo que dam vida à Galiza que luita: GzVídeos.

Segundo afirma no seu manifesto inicial, "Gzvideos parte de umha iniciativa colectiva independente e nom comercial, respondendo à necessidade de criar umha ferramenta de contrainformaçom audiovisual de e para os movimentos sociais galegos, assim como para dar cabimento à criaçom independente, fora da lógica da cultura como mercadoria."

O certo é que, apesar da sua recente activaçom, GzVídeos apresenta já umha grelha ampla, interessante e verdadeiramente contrainformativa, a anos luz de outros meios que, em papel ou na rede, dim manter essa orientaçom sem nunca até hoje terem vencido um doentio sectarismo como principal sinal de identidade.

Nom é este o caso. Basta dar umha vista de olhos à programaçom de GzVídeos para comprovar a ausência de sectarismo e a abertura a todo o que se fai no ambito das luitas sociais galegas. Registamos, portanto, esta feliz novidade e recomendamos conhecê-la a quem ainda nom a tenha visitado.

 

Voltar à página principal