NÓS-Unidade Popular anuncia a convocatória da sua IV Assembleia Nacional

9 de Novembro de 2007

NÓS-Unidade Popular, organizaçom independentista e socialista galega fundada em 2001, reunirá pola quarta vez o seu máximo organismo, a Assembleia Nacional, no dia primeiro de Dezembro na capital da Galiza.

Assim acaba de ser anunciado no web de NÓS-UP, organizaçom em cujo seio participa a militáncia do nosso partido desde o momento da sua criaçom, há seis anos. A nova convocatória é realizada sob a legenda "Organizando a luita, construímos o futuro" e terá lugar no Hotel Congresso, de Montouto, perto de Compostela, no sábado dia 1 de Dezembro.

Segundo se explica no web nacional de NÓS-Unidade Popular, a militáncia independentista debaterá os acontecimentos sociopolíticos mais destacáveis dos dous últimos anos, tempo transcorrido desde a anterior reuniom do máximo organismo de NÓS-UP. A política do novo Executivo autonómico, o 'fraudulento' debate de reforma estatutária e a pendente necessidade de articular um 'forte e plural espaço autodeterminista' som alguns temas incluídos nos textos assembleares.

Também a análise da 'crise ecológica mundial' e outros temas de interesse específico para o povo trabalhador galego farám parte dos debates da IV Assembleia Nacional de NÓS-UP, além da própria actividade da organizaçom no último biénio (incluída no Informe de Gestom) e a renovaçom do máximo organismo entre assembleias: a Direcçom Nacional.

Esperamos poder informar proximamente de mais novidades sobre este processo assemblear, que culminará daqui a 20 dias.

 

Voltar à página principal