Debate internacional sobre socialismo em Compostela: 12 anos de Jornadas Independentistas Galegas

11 de Abril de 2008

Tal como temos informado durante as últimas semanas, as Jornadas Independentistas Galegas, evento de formaçom que o nosso partido vem organizando anualmente desde 1997, decorrem amanhá sábado no Hotel Araguaney da capital da Galiza. Como começa a ser tradiçom, algumhas das mais sobranceiras figuras do marxismo a nível mundial coincidem neste foro convocado polas comunistas e os comunistas galegos.

Nesta ocasiom, o chamado 'socialismo do século XXI' centrará os debates, que decorrem em sessom dupla de manhá e de tarde. Personalidades de Cuba, Argentina, República Dominicana e Euskal Herria participam na ediçom deste ano:

Elena Martínez Canals, do Partido Comunista Cubano e Narciso Isa Conde, da Nueva Izquierda-Círculos Caamañistas da República Dominicana, falam a partir das 11 da manhá sobre 'a vigência dos princípios fundacionais do marxismo para a revoluçom do século XXI';

e Néstor kohan, do colectivo Amauta-Cátedra Che Guevara (Argentina) e Iñaki Gil de San Vicente, militante comunista basco, debatem à tarde, à partir das 17 horas, sobre 'os modelos de revoluçom e construçom da alternativa socialista'.

Trata-se, portanto, de protagonistas de processos revolucionários em andamento, como Elena Martínez Canals no caso cubano, de teóricos marxistas de prestígio mundial, como Néstor Kohan ou Iñaki Gil de San Vicente, e de figuras históricas da luita revolucionária na América Latina, como Narciso Isa Conde. Umha ocasiom única para assistir e participar a um debate de ideias ao serviço de umha causa comum: a revoluçom mundial.

Outras iniciativas

Além da participaçom nas Jornadas Independentistas, os companheiros e a companheira, convidados a visitar a Galiza polo nosso partido, participarám ao longo da próxima semana noutros actos em diferentes comarcas do País.

Assim, contando com a colaboraçom de centros sociais como a Baiuca Vermelha, da entidade estudantil AGIR e da juvenil BRIGA, além da central sindical CIG, Néstor Kohan, Narciso Isa, Elena Martínez e Iñaki Gil participarám palestras, conferências de imprensa, recepçons por parte de organismos de direçcom sindicais e seminários de formaçom marxista.

 

Voltar à página principal