Juventude revolucionária realizou Jornada de Formaçom

19 de Junho de 2007

Tal como se informa no web de BRIGA, organizaçom da juventude independentista e revolucionária galega, várias dezenas de jovens da esquerda independentista assistírom a umha Jornada de Formaçom organizada em Compostela e dirigida à militáncia juvenil. A Jornada estivo subordinada ao título “Marxismo para o Século XXI” e foi ministrada por dous veteranos luitadores revolucionários: o basco Justo de la Cueva (de manhá) e o português Francisco Martins (de tarde).

Actividades formativas como a do passado domingo servem para a formaçom da militáncia revolucionária galega nas ideias do marxismo, fundamental para o fortalecimento do Movimento de Libertaçom Nacional Galego e para o avanço na luita. Em concreto, fôrom estudados os fundamentos do marxismo como guia para acçom revolucionária e as principais correntes da esquerda ao longo do século XX.

Repressom e expansom organizativa

BRIGA informou em dias passados do processo repressivo aberto contra três jovens para os que pedem 5 anos de prisom e quase 6.000 euros em multas, polas detençons durante as cargas policiais de Vigo no 1º de Maio de 2005. Os jovens, militantes de BRIGA e filiados da CIG, som acusados de danos, atentado, resistência e lesons a vários polícias. BRIGA denunciou na altura a hipocrisia dos meios de comunicaçom, que davam cobertura aos verdadeiros agressores policiais enquanto criminalizavam os e as manifestantes.

Entretanto, o trabalho juvenil independentista permite a implantaçom de BRIGA em Catoira, segundo informa o web da organizaçom de jovens, que foi já apresentada num acto público e publicou o seu primeiro número de um boletim local.

 

Voltar à página principal