Iñaki Gil de San Vicente concluiu visita à Galiza

18 de Novembro de 2007

O reconhecido teórico marxista e militante independentista basco Iñaki Gil de San Vicente realizou na semana passada umha visita ao nosso país, convidado polo nosso partido. O motivo principal foi contarmos com a sua análise sobre a experiência revolucionária inciada em 1917 na Rússia, com motivo do nonagésimo aniversário da mesma.

Para tal, organizamos três palestras públicas, em Ponte Areas, Compostela e Ferrol, além de seminários de formaçom política para a militáncia do MLNG. Porém, a presença de um destacado militante abertzale basco na Galiza é sempre umha afirmaçom de solidariedade com o movimento independentista e socialista do povo irmao de Euskal Herria.

Por isso, os companheiros e companheiras de AGIR organizárom umha muito bem sucedida conferência na Faculdade de Direito da Universidade da Corunha, onde mais de meia centena de estudantes escuitárom a análise da situaçom sociopolítica actual no País Basco, realizada polo camarada Iñaki.

A nossa avaliaçom desta visita de Iñaki Gil de San Vicente à Galiza é, portanto, positiva, como parte de umha já veterana relaçom de camaradagem entre os movimentos independentistas galego e basco.

 

:: Mais informaçons sobre o mesmo tema

Primeira Linha comemora 90 Aniversário da Revoluçom Russa com três conferências sobre a sua vigência. (+...)

 

Voltar à página principal