Marxistas latino-american@s continuam périplo na Galiza

17 de Abril de 2008

Néstor Kohan, Narciso Isa Conde e Elena Martínez Canals, convidados e convidada à Galiza polo nosso partido para participarem nas XII Jornadas Independentistas Galegas, continuam a participar em actos políticos em vários pontos da Galiza ao longo desta semana, por iniciativa de diferentes entidades.

Assim, as organizaçons estudantil e juvenil indepentistas (AGIR e BRIGA respectivamente) organizárom umha palestra do comunista dominicano Narciso Isa Conde no local da Associaçom Cultural Alexandre Bóveda da Corunha na segunda-feira.

  kohan-vigo1

Isa Conde proferiu também umha conferência no Local Social Baiuca Vermelha, de Ponte Areias, e participou num encontro com membros da comunidade dominicana radicados em Vigo. O veterano revolucionário dominicano fijo um apelo explícito aos seus compatriotas para se envolverem nas luitas do povo trabalhador galego pola soberania nacional e o socialismo.

Quanto ao marxista argentino Néstor Kohan, deu umha palestra organizada pola CIG na sede da central em Vigo, onde também participou o secretário comarcal da CIG, Xerardo Abraldes, e o também sindicalista Lois Peres Leira. Kohan falou para várias dúzias de filiados e filiadas da comarca viguesa sobre a actualidade da figura do Che para as luitas de hoje. A seguir, houvo música tradicional galega.

Isavigo1

A comunista cubana Elena Martínez Canals participou em Compostela num acto dirigido ao estudantado, organizado por AGIR na Faculdade de História, com boa participaçom de público como todos os actos realizados até hoje.

Mais imagens dos actos comentados, aqui.

Para hoje mesmo, está prevista a intervençom de Narciso Isa Conde na sede da CIG em Ferrol, a partir das 19 horas, num acto dirigido à base social do sindicato nacionalista.

 

Voltar à página principal