Reincidentes: PSOE e o BNG voltam a apoiar o fascista Manuel Fraga como senador em Madrid

25 de Março de 2008

Enquanto sectores da esquerda social de diferentes países sob administraçom espanhola reclamam que seja processado polos crimes de que foi responsável durante o franquismo, o PSOE e o BNG 'reincidem' aprovando no Parlamento autonómico galego a sua nomeaçom como senador por designaçom autonómica: mais um 'consenso' para vergonha das democratas e os democratas galegos.

Com efeito, tal como já tinha acontecido na anterior legislatura, os três grupos presentes no Parlamento autonómico consensualizárom o reparto de cargos para o senado espanhol, embora sem grande entusiasmo por parte do PP, que provocou a anulaçom dos seus votos ao querer maior representaçom que a dos grupos que formam o governo bipartido.

Afinal, o bolo foi repartido entre o PP, o PSOE e o BNG a partes iguais, e o velho fascista Manuel Fraga, ex-ministro de Franco responsável por assassinatos policiais de obreiros, continuará, apesar da deterioraçom física causada polos anos, a representar o Parlamento da Comunidade Autónoma da Galiza em Madrid, graças aos votos dos que ainda dim ser 'progressistas' e 'nacionalistas'.

 

Voltar à página principal