NÓS-Unidade Popular e BRIGA apoiam manifestaçom autodeterminista

17 de Julho de 2007

NÓS-Unidade Popular e a entidade juvenil BRIGA confirmárom através dos respectivos webs o apoio à manifestaçom unitária da esquerda soberanista, convocada para o dia 25 de Julho na capital da Galiza.

NÓS-UP considera "umha boa notícia" a confluência das diferentes forças soberanistas e socialistas "numha mesma mobilizaçom", confirmando a presença da sua militáncia na manifestaçom pola soberania nacional, convocada sob a legenda "autodeterminaçom".

Já uns dias atrás, a formaçom independentista e socialista emitiu um manifesto analisando a realidade do País perante este novo Dia da Pátria, com destaque para a crítica ao "continuísmo" do governo bipartido em relaçom aos anos de fraguismo durante os dous primeiros anos de legislatura. Nesse comunicado, que pode ser consultado no web nacional de NÓS-UP, a organizaçom independentista confirmava a sua aposta na vertebraçom de umha alternativa estratégica soberanista e de esquerda.

Também BRIGA, organizaçom da juventude independentista e revolucionária, fijo um apelo à particapaçom na manifestaçom convocada pola plataforma Causa Galiza às 13 horas do próximo dia 25 de Julho, em Compostela.

 

Voltar à página principal