Galiza regista a segunda audiência mais baixa no jogo da selecçom espanhola

12 de Junho de 2008

A enxurrada espanhola que nos vem em cima com o início do Euro 2008 de futebol nom obtivo a mesma resposta em todos os territórios sob administraçom 'rojigualda'. As comunidades autónomas da Galiza, do País Basco e da Catalunha nom respondêrom ao bombardeamento propagandístico como o espanholismo imperante gostaria, e o debut da selecçom espanhola atingiu nessas 'comunidades' os mais baixos índices de audiência do Estado.

Em concreto, a Catalunha registou 45,2% de quota de ecrám; a Galiza (contabilizadas só as quatro províncias) foi a segunda com menor audiência do jogo Espanha-Rússia, com 47,2% e o País Basco a terceira com 47,8%. Se contabilizarmos a percentagem do resto do território sob administraçom espanhola face a esses dados, vemos a importante diferença, já que ali a audiência atingiu os 61%, o que dá ideia da diferente dimensom da identificaçom com Espanha por parte dos diferentes povos submetidos polo Estado espanhol.

No extremo oposto, o de maior identificaçom pró-espanhola, situa-se a Comunidade de Madrid, onde se registou 65,4% de quota de ecrám. No caso da Galiza, os eloqüentes dados de audiência no jogo de Espanha, os segundos mais baixos a seguir à Catalunha, contrastam com o importante acompanhamento que a audiência galega está a fazer do Euro 2008, quase dous pontos acima da média estatal.

Umha vez verificados estes dados, e à espera de que o nosso país consiga estar presente em competiçons desportivas de todo o tipo como naçom soberana, só nos resta desejar umha rápida eliminaçom da selecçom espanhola, para assim nom termos que continuar a aturar visons dificilmente descritíveis, mas profundamente desagradáveis, como a que encabeça esta informaçom.

 

Voltar à página principal