Importante resposta antifascista nas ruas

16 de Novembro de 2007

O assassinato de um jovem antifascista em Madrid provocou umha vaga de contestaçom popular nos povos da Península, incluída a Galiza. Convocatórias espontáneas aglutinam nestes dias correntes diferentes da esquerda, incluída a independentista.

Um bom exemplo viveu-se ontem em Ponte Vedra, onde umha importante mobilizaçom contra as agressons fascistas e o racismo percorreu as ruas centrais da cidade, com umha lembrança para o jovem mortalmente esfaqueado em Madrid.

A organizaçom juvenil revolucionária BRIGA, participante em várias convocatórias, incluída a de Ponte Vedra, lembrou que "Esta importante resposta antifascista deve dirigir-se, ademais da repulsa polo assassinato e a solidariedade com @s companheir@s de Madrid, à conscienitizaçom da esquerda galega da ameaça que representaria o crescimento deste tipo de organizaçons na Galiza, que até o dagora só puiderom actuar numha espécie de semi-clandestinidade e em contadíssimas pontos da nossa geografia".

Podem ver-se mais imagens da mobilizaçom de Ponte Vedra no web de BRIGA.

Lembramos que, além das concentraçons e manifestaçons de Vigo, Corunha, ou Ponte Vedra, há quatro convocatórias do mesmo carácter unitário e antifascista previstas em Ferrol e Compostela:

Sábado 17 de Novembro

Ferrol, às 19h00 no Cantom

Noia, às 19h00 diante da Cámara Municipal

Ourense, às 19h00 desde a Subdelegaçom do Governo

Terça-feira 20 de Novembro

Compostela, às 19h30 desde a Praça de Vigo

 

 

Voltar à página principal