Explosom numha central química fai quatro vítimas mortais na Flórida (EUA)

30 de Dezembro de 2007

Várias explosons antecedêrom, no passado dia 20, um incêndio de grandes dimensons que provocou umha coluna de fumaça visível de vários quilómetros de distáncia. Foi na T2 Laboratories Inc, indústria que fabrica solventes químicos e aditivos para combustíveis.

A populaçom desconhece ainda as causas do acidente numha indústria teoricamente preparada para qualquer eventualidade do género, mas as vítimas mortais fôrom, de facto, quatro, além de várias feridas, umha em estado crítico.

O especial interesse que esta notíca tem para a Galiza aponta para a ria de Ferrol, onde umha central regasificadora é rejeitada pola populaçom polos riscos que supom para a segurança das pessoas e o ambiente, mas foi imposta polas instituiçons locais, autonómicas e estatais contra toda lógica.

O acidente da Flórida, nos Estados Unidos, representa mais um exemplo dos que acontecem todos os anos em diferentes lugares do mundo, que demonstram que os riscos podem vir a converter-se em realidade apesar das medidas de segurança, que no caso de Mugardos incumprem as mais elementares normas internacionais.

 

Voltar à página principal