NÓS-UP convoca homenagem a Reboiras e o Che em Ferrol

9 de Agosto de 2007

Como cada mês de Agosto, a organizaçom independentista e socialista NÓS-Unidade Popular organiza em Ferrol actos em lembrança de José Ramom Reboiras Noia, militante comunista e independentista da UPG morto polo fogo da polícia espanhola em 1975 na rua da Terra da cidade trasanquesa, quando fazia parte da Frente Militar desse partido.

Nesta ocasiom, a homenagem de NÓS-UP coincide com o 40 aniversário da morte do guerrilheiro heróico, Ernesto Che Guevara, também assassinado extra-judicialmente, nesse caso na Bolívia por ordens da CIA em 1967.

É por isso que a formaçom da esquerda independentista galega resolveu render homenagem conjunta aos dous militantes revolucionários no dia 11 de Agosto, sábado, com umha concentraçom às 20 horas no local em que morreu Moncho Reboiras. Ali, o responsável comarcal de NÓS-UP em Trasancos, Carlos Garcia Seoane, e um representante da organizaçom juvenil BRIGA, dirám umhas palavras de lembrança de Reboiras e do Che, depositando umhas flores no lugar onde caiu o militante galego.

Durante estes dias prévios, NÓS-UP realiza diferentes acçons com motivo dessa data. Na ilustraçom que acompanha estas linhas podemos ver o mural realizado no centro de Ferrol por militantes de NÓS-Unidade Popular.

 

Voltar à página principal