Concentraçom de NÓS-UP lembrou Reboiras e o Che em Ferrol

12 de Agosto de 2007

Várias dúzias de pessoas participárom no acto político convocado pola Assembleia Comarcal de NÓS-Unidade Popular em Ferrol, com motivo do aniversário da morte do militante da UPG Moncho Reboiras, tiroteado num edifício da rua da Terra em 1975.

A concentraçom contou com umha oferta floral e as palavras do responsável comarcal de NÓS-UP, Carlos Garcia Seoane, seguidas da intervençom de Cristina Corral, da organizaçom juvenil independentista BRIGA.

Amb@s sublinhárom a coincidência de objectivos de Moncho Reboiras e o Che Guevara, como revolucionários que entregárom as suas vidas à causa da emancipaçom humana, e reivindicárom o legado de Reboiras e o Che como parte substancial do património político da esquerda independentista galega.

 

:: Mais informaçons sobre o mesmo tema

NÓS-UP convoca homenagem a Reboiras e o Che em Ferrol. (+...)

 

Voltar à página principal