Primeira Linha em Rede mantivo em 2007 um importante número de visitas, proximo das 600.000

2 de Janeiro de 2008

O portal gerido por Primeira Linha, partido comunista e independentista galego, mantivo durante o passado ano 2007 umha progressom global em relaçom ao ano anterior, atingindo as 593.270 visitas, realizadas por 212.530 visitantes diferentes.

Desta forma, Primeira Linha em Rede continua a consolidar um espaço informativo próprio na rede, apesar da forte implantaçom de empresas de comunicaçom galegas na Internet durante este passado ano, o que supujo umha maior concorrência para meios mais modestos como o nosso.

Daí que seja especialmente positiva a progressom que, em todos os parámetros, experimentamos durante os últimos doze meses, à espera de umha necessária actualizaçom teconológica da oferta informativa e política que Primeira Linha em Rede vem representando para a classe trabalhadora galega desde 2002.

Agradecemos a fidelidade dos milhares de compatriotas que nos visitam habitualmente, bem como das e dos visitantes de outros países, nomeadamente os procedentes de países lusófonos como o Brasil e Portugal, e esperamos poder melhorar a qualidade e quantidade da nossa presença na rede neste ano 2008, sempre ao serviço da causa da libertaçom de género, de classe e nacional.

 

Voltar à página principal