Siareir@s Galeg@s contestam presença espanhola em Narom

31 de Outubro de 2007

A presença da selecçom espanhola de futebol de salom na Terra de Trasancos foi contestada por membros do colectivo de Siareir@s Galeg@s nessa comarca, que despregárom umha faixa com a legenda "Galiza naçom. Oficialidade".

O acto reivindicativo aconteceu durante o jogo que enfrentava as selecçons espanhola e romena, no pavilhom de Narom, e serviu para deixar constáncia de que o nosso povo nom renuncia aos direitos que lhe correspondem, também no plano desportivo.

O colectivo de Siareir@s Galeg@s leva anos de trabalho exemplar em defesa das selecçons próprias e é nessa dinámica que se inscreve a presença da faixa em Narom. No web do colectivo, indicam que o acto de ontem serviu como forma de criticar "as leis antidemocráticas que impedem a existência normalizada das nossas equipas nacionais", um contexto em que "qualquer visita das selecçons espanholas é umha autêntica provocaçom".

 

Voltar à página principal