Hoje às 20h15, em Vigo, manifestaçom nacional pola oficialidade das selecçons galegas

27 de Dezembro de 2007

O colectivo Siareir@s Galeg@s, destacado polo seu intenso labor reivindicativo no ámbito desportivo, para que a nossa naçom seja reconhecida polos organismos internacionais e poda participar em todo o tipo de eventos oficiais, convoca hoje umha manifestaçom nacional coincidindo com os jogos das selecçons feminina e masculina de futebol.

A nossa representaçom feminina jogará com a selecçom catalá, enquanto a masculina terá um confronto desportivo com umha das melhores selecçons do mundo, a camaronesa. Mais importante do que o resultado das duas partidas, é que os galegos e as galegas tomemos consciência dos nossos direitos também no plano desportivo.

Somos umha naçom e nengum Estado pode usurpar-nos a representaçom em nengumha esfera da vida social. Por isso nom reconhecemos essa faculdade a Espanha e apoiamos as iniciativas que no seio do nosso povo vam estruturando-se para avançarmos colectivamente em direcçom à independência.

Vemo-nos em Vigo, porque somos umha naçom e nom renunciamos a nengum dos nossos direitos:

Manifestaçom nacional: Somos umha naçom. Oficialidade
27 de Dezembro às 20:15hh desde a Praça das Travessas (Vigo)

 

:: Mais informaçons sobre o mesmo tema

- [Vídeo] Entrevista em Vieiros com dous representantes de Siareir@s Galeg@s. (+...)

- Dezembro de 2005. A reivindicaçom das selecçons galegas no programa de defesa dos direitos nacionais. Maurício Castro (+...) (publicado no nº 38 do Abrente)

 

Voltar à página principal