BRIGA disponibiliza documentos para a formaçom revolucionária juvenil

10 de Setembro de 2007

O web nacional da entidade juvenil independentista BRIGA contém novos documentos dirigidos à formaçom revolucionária da juventude trabalhadora galega. Trata-se de dous cadernos dedicados, um deles, à problemática das drogas, e outro à figura de Moncho Reboiras.

"As drogas como arma do poder adulto" é o título do trabalho do marxista basco Iñaki Gil de San Vicente, que BRIGA traduziu para galego e editou em papel e em formato digital. Este último acha-se aqui, e pode ser descarregado de graça para a sua leitura e difusom.

"Moncho Reboiras" é umha síntese biográfica do militante revolucionário e independentista galego José Ramom Reboiras Noia, morto por disparos da polícia espanhola em 1975 em Ferrol, quando integrava a Frente Militar da Unión do Povo Galego (UPG). O texto, que pode ser lido e descarregado em PDF aqui, parte de três fontes bibliográficas fundamentais, O nacionalismo galego. A Nosa Terra, de 1995, da autoria de J. Beramendi e X. M. Nuñez Seixas; Para umha Galiza independente, de Vários autores e autoras, publicado pola Abrente Editora em 2000; e A esquerda independentista galega (1977-1995), também da Abrente Editora, da autoria de Noa Rios Bergantinhos, publicado em 2002.

 

Voltar à página principal