Torquemada derrotado em Ferrol: Banda Bassotti encheu o Parque Municipal

12 de Agosto de 2007

Depois da intensa campanha mediática da extrema-direita contra a presença da banda comunista italiana Banda Bassotti nas Festas de Verao de Ferrol, o Parque Municipal da cidade encheu-se de ferrolanas e ferrolanos dispostos a romper a imagem que quijo dar-se nas últimas semanas. O Ferrol obreiro impujo-se ao da elite franquista.

A noite musical e reivindicativa começou com o punk naronês dos Retobato e continuou com o rock de La sentina, do bairro ferrolano de Carança. Em terceiro lugar, actuou o grupo italiano, sensível em todo o momento à realidade nacional galega, e que passou em revista os seus temas mais conhecidos. 'Bella Ciao' e 'Stalingrado' fôrom os mais coreados por um público entregado e mui heterogéneo, unido nas convicçons antifascistas e na vontade de fazer frente à nova inquisiçom espanhola, que nas últimas semanas tomou corpo na Associaçom de Vítimas do Terrorismo (AVT), na Uniom Federal de Guardias Civis (UFGC) e no Partido Popular (PP), que até o último momento tentárom impedir o concerto.

Houvo unicamente umha tentativa da AVT de instalar umha banca "informativa" às portas do Parque Municipal de Ferrol, mas a visível hostilidade geral contra as provocaçons ultras fijo-lhes reconsiderar a decisom e abandonar o lugar.

Do outro lado, NÓS-Unidade Popular, BRIGA e a Fundaçom Artábria figérom públicas adesons à iniciativa musical, reclamando fazer frente à censura reaccionária. O povo trabalhador de Ferrol merece os parabéns pola liçom democrática dada ontem aos fascistas.

 

:: Mais informaçons sobre o mesmo tema

Tod@s a Ferrol com Banda Bassotti e contra os fascistas do PP e AVT!. (+...)

 

Voltar à página principal