Polícia espanhola detém quatro militantes de NÓS-Unidade Popular em Vigo: concentraçom às 17h30 em López Mora

6 de Dezembro de 2007

Segundo informa a formaçom política da esquerda independentista NÓS-UP, quatro militantes fôrom detidos no fim da manifestaçom autodeterminista que percorreu as ruas de Vigo no meio-dia de hoje. Os detidos som Santiago Mendes Rodrigues, Crístofer Machado Ibañez, Carlos Pena Neto e Alexandre Bolívar Estevez.

Desconhece-se o motivo desta actuaçom repressiva da polícia espanhola, e se pode ter algumha relaçom com o facto de ser queimado um boneco que representava o rei de Espanha durante a mobilizaçom convocada por Causa Galiza no centro de Vigo. Sabe-se que os detidos estám privados de liberdade na esquadra policial da rua López Mora.

NÓS-Unidade Popular convocou umha concentraçom às 17h30 em frente da referida esquadra policial para reclamar a liberdade dos quatro independentistas detidos, e denunciar a falta de direitos da pseudo-democracia espanhola, que persegue o exercício da liberdade de expressom e manifestaçom.

À espera de mais informaçons que poda fornecer o advogado que está a tentar garantir o respeito aos direitos das quatro pessoas detidas, manifestamos a nossa solidariedade a Santiago, Crístofer, Carlos e Alexandre, e exigimos o fim da repressom espanhola contra quem reclama direitos democráticos como o de autodeterminaçom para o nosso povo.

Santiago, Crístofer, Carlos e Alexandre, liberdade!

 

Voltar à página principal