Concentraçom em Compostela contra a manipulaçom e a responsabilidade do PP nos ataques de ontem

12 de Março de 2004

Diversas entidades sociais e políticas galegas convocárom umha concentraçom na praça do Pam de Compostela para hoje mesmo, às 18'45 horas. A intençom era denunciar a responsabilidade do Partido Popular nas duascentas mortes de ontem na capital espanhola. A esquerda independentista participou na concentraçom, em que participou meia centena de pessoas, e que se realizou com anterioridade à concentraçom convocada polas instituiçons e partidos espanhóis e autonomistas galegos para a tarde de hoje.

Nestes momentos, semelha clara a origem árabe da acçom armada de ontem em Madrid, apesar do qual os meios de comunicaçom mantenhem a intoxicaçom em torno da suposta responsabilidade basca. Som os meios de comunicaçom além-fronteiras que falam da mais que evidente autoria da resistência árabe. O tipo de explosivo, goma-2, nom é usada pola ETA desde há mais de 15 anos. É só o último dos indícios feitos públicos quanto às características da acçom, que exculpam a ETA, o que nom impede que as instáncias oficiais continuem a manter a autoria basca, evitando assim que a opiniom pública poda virar-se contra o PP como responsável da guerra genocida contra o Iraque, que teria causado esta desforra. Lembremos que em diversas ocasions tem havido advertências ao Estado espanhol no senso de ele estar no alvo dos grupos armados árabes e/ou islamistas.

 

Voltar à página principal