Os três
militantes de AGIR já estám livres
A última
hora da tarde os três militantes de AGIR detidos hoje pola polícia
espanhola após participar num corte de tránsito para chamar
a atençom sobre a catástrofe nacional, fôrom libertados.
Para a organizaçom estudantil do MLNG o movimento de massas e a presom
popular contra os responsáveis políticos da maré negra
fôrom determinantes para que os julgados agilizássem a saída
dos três estudantes revolucionários.
Embora nom tenham que passar a noite na esquadra policial, diversas iniciativas
de agitaçom e propaganda AGIR estám denunciando a detençom
de Daniel, Joám e Sérgio. Em Compostela realizou um corte de
tránsito na Porta do Caminho contra a repressom policial que sofre
a esquerda independentista; na Corunha, Burela, Ponte-Vedra e Ferrol realizou-se
colada de cartazes e pintadas.
Represom contra
AGIR
Detidos três
militantes da organizaçom estudantil independentista
Hoje, por volta da umha da tarde, fôrom detidos em Compostela, três
militantes da organizaçom estudantil do MLNG. Daniel Lourenço
Mirom, Responsável Nacional de Organizaçom, Sérgio Pinheiro
Pena, Responsável Nacional de Relaçons Externas, e Joám
Bagaria Fra, do Conselho Local de Compostela, permanecem na esquadra da polícia
da capital da Galiza após a sua detençom quando circulavam tranquilamente
polas ruas do casco velho.
Segundo fontes
de AGIR a sua detençom tivo lugar por participarem numha concentraçom
da assembleia de estudantes de História que realizou um corte de tránsito
na praça da Galiza em protesto pola situaçom de passividade
das autoridades espanholas na crise nacional provocada polo Prestige.
Estas mesmas
fontes informárom que hoje de tarde prestarám declaraçom,
mas que nom se aguarda a sua posta em liberdade até amanhá quando
sejam levados aos julgados.
AGIR realiza um apelo ao conjunto do estudantado galego a responder a esta
nova agressom contra a organizaçom estudantil da esquerda independentista,
enquadrando esta vaga repressiva numha tentativa de obstaculizar a realizaçom
da III Assembleia
Nacional prevista
para esta fim de semana.
Coincidindo cum acto político que hoje às 8 da tarde realiza
NÓS-UP em Compostela a prol da liberdade de expressom AGIR convoca
posteriormente nesse mesmo lugar umha concentraçom para solicitar a
liberdade de Joám, Daniel e Sérgio.