NÓS-UP "empapela" a sede do PP em Ferrol

A passada segunda-feira, 31 de Março, e continuando com a campanha de agitaçom contra a guerra imperialista no Iraque, vários filiados de NÓS-UP de Ferrol realizárom umha nova e massiva colada de cartazes polas ruas da cidade.
A colada estivo em todo momento "vigiada" por polícia à paisana, concretamente polo inspector chefe da polícia espanhola em Ferrol, José Crescencio Caínzos, denunciado em várias ocasions por militantes da esquerda independentista por acossa e perseguiçom política.

A colada rematou na sede eleitoral do Partido Popular em Ferrol, na rua Dolores, onde estava situado o antigo cinema Avenida. Várias faixas com as palavras de ordem "Nom mais sangue por petróleo", "Guerra preventiva contra Aznar e companhia", "Paremos a guerra imperialista, Galiza contra o terrorismo do PP", Aznar assassino, Juncal cúmplice" fôrom coladas na fachada, deixando-a literalmente empapelada, entre os aplausos das pessoas que circulavam pola rua.
Durante o desenvolvimento da acçom os independentistas fôrom fotografados por umha militante fascista do Partido Popular.


(fonte NÓS-Unidade Popular Trasancos)

 

Voltar à página principal