Dezenas
de milhares de pessoas em Compostela contra a guerra
As
ruas da capital da Galiza, na manhá do domingo 6 de Abril, voltárom
a ser o cenário dumha nova mobilizaçom contra a guerra imperialista.
Convocada pola Corrdenadora Galega pola Paz, umha manifestaçom nacional
de várias dezenas de milhares de pessoas percorreu desde a Alameda
até o Obradoiro as principais artérias de Compostela.
O
MLNG participou activamente com um nutrido cortejo configurado por três
faixas de NÓS-UP e umha de AGIR e AMI respectivamente. Ao longo do
percorrido encarapuzad@s realizárom diversas "pintadas" em
bancos, empresas multinacionais, assim como em diversos autocarros públicos.
Centenares de pessoas portavam cartazes coas fotografias d@s deputad@s do
PP no parlamento espanhol eleit@s polas 4 "circunscriçons galegas"
sob o epígrafe assassin@s.
Na
rua do Hórreo diversas cabinas telefónicas com propaganda eleitoral
do PP, -de Dositeo Rodríguez, candidato à alcaldia de Compostela-,
fôrom destroçadas pol@s manifestantes. Na praça da Galiza
o autonomismo e o espanholismo fracasou na sua tentativa de expulsar à
esquerda independentista da manifestaçom, provocando diversos incidentes
e confrontos coa militáncia do MLNG, que nom se arrugou perante as
agressons da que tentou ser objecto por exaltados de IU, do PSOE e do BNG.
Um boneco disfarçado de Aznar com o chapeu do "Tio Sam" e
umha capa coa bandeira espanhola abria o cortejo independentista. Três
grandes retratos de Aznar, Bush e Blair coa legenda "assassinos",
portados por militantes de NÓS-UP, também atingírom garnde
sucesso entre @s manifestantes. Na praça do Obradoiro foi queimando
o boneco de Aznar ante a expectaçom de milhares de pessoas que aplaudírom
esta acçom.
"Bombardear ao Partido Popular", "O capitalismo é o
terrorismo", "Ataque preventivo contra Estados Unidos", "Ilegalizar
o Partido Popular", "Contra a guerra greve geral", "Iraque
amigo, Galiza está contigo", "Nom mais sangue por petróleo",
etc fôrom algumhas das palavras de ordem mais coreadas no bloco do MLNG.
A continuaçom apresentamos umha ampla reportagem fotográfica
da manifestaçom.
