NÓS-Unidade Popular ante a conjuntura política actual na cidade de Ferrol

1- NÓS-Unidade Popular desde antes de começar a barbárie imperialista contra o povo iraquiano leva adiante umha campanha de agitaçom com a colada de centos de cartazes polas ruas da nossa cidade.

2- NÓS-Unidade Popular quer mostrar o seu apoio à Assembleia Popular contra a Guerra, da que forma parte, e fazer um apelo ao povo de Ferrol a participar nas mobilizaçons e actos que esta Assembleia convoque, assim como nas concentraçons diárias na Praça do Concelho às 20,00 hh.

3- Nom podemos deixar de transmitir a nossa satisfaçom pola unidade de acçom atingida por parte dos sectores mais conscienciados e combativos da cidade. Nom podemos deixar que a manipulaçom e a prostituçom da linguagem que sempre caracterizou à direita fascista calem as nossas vozes e os nossos protestos.

4- Mais umha vez nom podemos deixar de mostrar a nossa satisfaçom perante os actos de desobediência civil contra a sede eleitoral do Partido Popular. Aplaudimos o lançamento de ovos e de pintura contra a sua fachada como métodos válidos e lícitos de luita e de rechaço a sua política militarista, imperialista e fascista.

5- Manifestamos o nosso mal-estar coa "Coordenadora Galega pola Paz", sob a direcçom do autonomismo e a "esquerda" espanhola, mais interessados em preparar a campanha das eleiçons municipais de Maio que em mostrar o seu rechaço à guerra imperialista contra o Iraque.
A sua oportunista orientaçom política ficou desacreditada quando na primeira concentraçom a gente abandonou esta mobilizaçom para dirigir-se à sede do PP, após ser apupado o porta-voz da Coordenadora polos centos de concentrados na Praça de Armas, baixo a palavra de ordem "com estes políticos imos de cú". Mentres a gente protestava contra a guerra do Iraque, o autonomismo inaugurava o seu local eleitoral e tomavam petiscos.

6- Finalmente queremos denunciar também a política provocadora da militáncia do Partido Popular nos actos de protesto diante da sua sede, assim como ao responsável local de NNGG e concelheiro de Ferrol ao tomar fotos, junto a outra militante do PP, a filiados da nossa organizaçom quando estes colavam cartazes na fachada do seu local eleitoral.

 

Voltar à página principal