350 estudantes constituem em Ponte Areas a Assembleia do IES Pedra da Auga

5 de Fevereiro de 2004

Após o sucesso das duas mobilizaçons convocadas para reivindicar a construçom de um novo centro em Ponte Areas, na terça-feira 3 de Fevereiro, num salom de actos abarrotado por mais de 350 alun@s, constituiu-se a Assembleia de Estudantes do IES Pedra da Auga.

A assembleia, em que participárom estudantes de todos os anos lectivos, decidiu pôr em marcha umha recolha de assinaturas entre o alunado para exigir a imediata soluçom das graves deficiências do centro, assim como o início das obras de um novo instituto.

Nos próximos dias, fará-se pública a tabela reivindicativa e o calendário de mobilizaçons que promete ser intenso à vista da massiva participaçom do estudantado do instituto na constituiçom da assembleia.

AGIR, organizaçom estudantil da esquerda independentista, anunciou o seu apoio ao processo de autoorganizaçom estudantil e a sua participaçom, através das suas e os seus militantes de Ponte Areas, nas mobilizaçons que convocar a assembleia.

Mais informaçom sobre as mobilizaçons estudantis em Ponte Areas no web nacional de AGIR (+...)

Voltar à página principal