O MLNG de Trasancos mantém umha activa campanha denunciando a maré negra


A quarta-feira, 11 de Dezembro 4 filiados de NÓS-Unidade Popular da Comarca de Trasancos denunciárom, no Pleno extraordinário do Concelho de Ferrol para aprovar um crédito para os gastos ocasionados polo Prestige, mediante "cartolinas" com a legenda "Prestige: Atentado terrorista contra a Galiza. Governo Espanhol, Junta de Galiza, culpáveis!!", a grave situaçom de catástrofe nacional que vive o país. Esta acçom, que tivo repercussom em vários meios de comunicaçom locais enquadra-se na campanha de agitaçom que a organizaçom unitária da esquerda independentista está a levar a cabo nesta comarca. Entre as iniciativas levadas a cabo até o momento destaca a moçom municipal solicitando responsabilidades (sendo NÓS-Unidade Popular a primeira organizaçom política de Ferrol que a apresentou), a distribuiçom de centos de cartazes, realizaçom de pintadas, a participaçom na concentraçom em Perbes e em Ferrol com faixa própria, e o reparto dumha brochura comarcal, o mesmo dia 11.

Também AGIR, participou com faixa própria, sob a legenda "Num país livre isto nom passaria, Espanha culpável!", nesta última concentraçom com um amplo cortejo.

O MLNG em Trasancos, também secundará a manifestaçom que a Plataforma Nunca Mais convoca para o próximo sábado 21.

Voltar à página principal