NÓS-Unidade Popular adere à Coordenadora pola supressom da chamada "Rolda de Vigo"

24 de Março de 2004

A Assembleia Comarcal de Vigo de NÓS-Unidade Popular manifestou publicamente a sua adesom à Coordenadora pola supressom da Rolda de Vigo.

NÓS-Unidade Popular afirma em comunicado que coincide plenamente com a análise e oposiçom da coordenadora à construçom desta nova e errónea infraestrutura. Infraestrutura de enclave, exemplo para NÓS-UP de dependência e exploraçom colonial, que significaria umha grave agressom ambiental, paissagística, social, etnográfica e identitária, e apenas suporia outra infraestrutura viária para o fluxo de capitais (mercadorias) que aumente o ganho de quem gere a obscura Zona Franca, da oligarquia espanhola e das multinacionais (Citroën, Carrefour, ..). Quer dizer, esta infraestrutura responde a interesses económicos do capital e nom a um interesse social como falsamente argumentam os partidos representados na Cámara Municipal de Vigo, PP, PSOE e BNG.

Por todo isso, NÓS-Unidade Popular comprometeu-se e pujo-se ao serviço da vizinhança para do ámbito político luitar para evitar que se execute esta nova agressom social ao Povo Trabalhador Galego.


Voltar à página principal