Televisom
manipulaçom
Coincidindo co
aniversário do referendo da farsa autonómica imposta polo capitalismo
espanhol em 1980, mais de mil pessoas secundárom a concentraçom
que a plataforma Nunca Mais realizou o sábado 21 de Dezembro diante
das intalaçons da TVG em Sam Marcos, perto de Compostela, contra a
manipulaçom informativa.
A pesistente chuva nom obstaculizou que centos de galeg@s acudíram
à sede central da televisom pública da Comunidade Autónoma
para denunciar a manipulaçom a que se vé submetida a crise nacional
do Prestige. O Partido Popular mediante a TVG, RG e TVE-G siléncia,
oculta, minimiza e deforma a realidade do país.
Um forte dispositivo policial impediu aproximar-se às instalaçons
mais alá do perímetro de segurança imposto polas forças
de ocupaçom.
NÓS-Unidade
Popular participou activamente na mobilizaçom denunciando a verdadeira
face dos meios de comunicaçom espanhóis, burgueses e solicitando
a ilegalizaçom do PP.
Após
diversas intervençons de representantes de Burla Negra, de Nunca Mais,
e de Begonha Caamanho, Presidenta do Comité Interempresas da CRTVG
que reproduzimos integramente,
tivo lugar umha manifestaçom até as intalaçons da TVE-G,
situadas a pouco mais de um quilómetro.
Perante a falta de protecçom policial @s manifestantes entrárom
no recinto exterior das instalaçons. Entre o grande nervossismo da
burocracia autonomista -BNG e CIG- preocupada com que a mobilizaçom
se lhes "fora das maus" e pola presença da esquerda independentista,
-o próprio Paco Rodriguez pretendeu acalar as palavras de ordem lançadas
por NÓS-UP-, o conjunto d@s manifestantes realizárom umha cadeia
humana à volta do prédio entre gritos de "Fraga, Aznar
demissom, "Televisom manipulaçom", "Espanha é
a nossa ruina", "Há que ilegalizar o Partido Popular",
"A polícia a limpar Mugia", "Menos mal que nos fica
Portugal" em alusom ao seguimento informativo do acto por diversas meios
de comunicaçom lusos.
